牧函015－『始業，休業；休業，始業』

 

《始業，休業；休業，始業》
（冇膽作家牧函015-20240913）

（口語with錄音程式）
已經有好幾個月冇寫牧函了，都係時候要還債。牧師常常鼓勵我，叫我唔使寫太長，好簡單分享工作嘅片段，讓弟兄姊妹了解我嘅工作，但係自己總係覺得唔想好行地交貨，每一篇牧函，都係一個機會，讓我可以寫出最想寫嘅嘢，更加係一份重要嘅回憶與紀錄。

我好鍾意倒數，從開始籌備暑期青少年營、課餘託管，我心裡就開始倒數，距離放大假仲有五個月、仲有四個月、仲有三個月、仲有兩個月再最後一個月。

休假有時，工作亦都有時，在假期裏面飲著咖啡時，亦開始倒數，距離新學年工作還有10日、9日、8日、1個禮拜......。

我唔記得曾幾何時有人同我講過，要在努力作工、繁忙、壓力、勞累和無力嘅時候，想起平靜嘅日子係點樣過，想起以前嘅艱難係點樣過，最重要係知道困難和壓力只係暫時，手上嘅工作有一日終會完成。

在另一邊，要在休假和平順嘅日子裡，想返起以往在壓力和困難之中，排山倒海嘅日子，係靠著甚麼、和點樣去度過，安穩地行到今時今日。
不要忘記，路上有神。

回顧一吓過去一個學年自己做過甚麼.....

立願承擔基督少年軍52分隊副隊牧；
B世代少年軍小組成立；
詩歌歌詞粵語改編：【新的異象 新的方向】
讀書：港神《約翰福音》研讀；
高中級主日學學生受浸預備；
兒童暑期託管；
週末崇拜新一階段敬拜隊成立；
主日兒童崇拜講道；
"天與天尋”
讓我高飛轉型；
高小至初中、初中至高中、高中至大專牧養交接
.......
.......
.......
2023年9月，超級黑雨，教會禮堂水浸，同阿Loo一起挽救禮堂音響器材和設施，最後大雨止住，水退去，不過我哋沒有放出白鴿。

2024－2025新學年，休業後始業，好想分享一首在基華小學一年級的日子，在學校禮堂開學禮學唱的詩歌，作為開始。

始業休業歌（詩集：普天頌讚 第578首）
莘莘學子又聚一堂，求主看顧我心靈，
在主愛中，信賴敬畏，促使我們向前行，
求仍保護，求仍保護，主在跟前永接近。