冇膽作家

" 冇膽作家碎片日記 " （寫於上星期） （冇膽作家牧函 030-20260506 ） 今朝 早堂崇拜聽緊道，阿 Joe 攞住幾張午堂崇拜嘅流程和詩歌，神色凝重咁同我講，午堂崇拜嘅主領身體不適，需要我預備上台主領，四首詩歌裡面，我有兩首完全未曾聽過，我隨即孭起書包跑上三樓，上 Youtube 學唱歌，詩歌非常難唱，同時亦要開始預備要同會眾誦讀嘅經文，唔對路 ......... 隨即打俾兄弟 Herman 求救，另一方面，我都同身體不適嘅姊妹講，請佢安心休息。 最後落到禮堂，牧師請我按原本編排負責牧禱，最後牧師上台做咗主領。   尋晚 周末崇拜講道，終於平安完成，係我喺天泉牧養事奉嘅第四篇信息，我好想感謝牧師，每次當我寫講章，同佢傾講章，佢都帶俾我對經文有正確嘅思想方向。究竟點樣睇一段經文，至今仍然不斷學習。 尋晚講完，有弟兄姊妹主動給我正面嘅意見和感受，讓我親身經歷在講壇信息上要牧養會眾，嗰份嘅任重道遠、嗰份嘅壓力和不容易、你自己點樣去睇、去覺得你自己講緊嘅信息、你點樣呈現和經歷你自己講緊嘅道、會眾收到啲乜嘢。 尋晚，我嘅會眾，除咗有牧師、有天泉肢體、有我牧養緊嘅年青人，亦都有我和太太嘅兩位導師，阿 Ray 和阿 B 。在牧師和教牧同工面前講道、在導師面前講道，每一次、每一次、每一次，都要勁祈禱，擺上好大好大嘅勇氣。   尋日          星期六，即係講道當日嘅早上，講章仲有不少修改，中午，終於完成最後一稿。 上個星期三早上，返到教會，應該繼續預備講章，電腦終於罷工！嘗試多次開機，都只係見到藍色螢幕，有幾行英文字，隨即向 Leo 求救， Leo 話有啲論盡，請我用另一部機 ......... 所有釋經資料，係電腦裡面！神學院嘅 Notes ，係電腦裡面！大部份嘅草稿，係電腦裡面！ 感恩講章嘅引言，用紙筆寫咗三張 A4 紙，一部分釋經講稿，亦都寫低咗喺電郵草稿。 我明白，生命經歷裡，有好多嘢，係唔會容許你講放棄，我心裡在想，如果同牧師講，牧師准我改期講道，我都唔希望改期，即使係咁嘅狀況，我都好想完成依篇道，因為，我視之為一個成長嘅經歷。 我並非期望講得好，我好希望，我可以同天父講、同自己講，我已經完成咗了。 電腦應該死咗，不過，信息已經講咗。 嚟緊會有假期，好希望可以安靜主前，慢慢去消化，神要我...